Fréttir
RNSA hefur gefið út lokaskýrslu vegna alvarlegs flugumferðaratviks á milli TF-TWO og TF-IFB við Langavatn ofan Reykjavíkur þann 29. mars 2018.
Rannsóknarnefnd samgönguslysa hefur gefið út tvær skýrslur um banaslys í umferðinni. Annars vegar banaslys á Norðurlandsvegi sem varð í júní 2017 og hins vegar banaslys á Sæbraut við Kirkjusand sem varð í nóvember 2017. Skýrslurnar má lesa hér:
Rannsóknarnefnd samgönguslysa hefur lokið rannsókn á banaslysi sem varð á Miklubraut við Skeiðavog þann 25. nóvember 2017.
Skýrsluna má lesa hér
Á fundi nefndarinnar nr. 39 þann 24. maí 2019 var ákveðið að hætta að skrá vélarvana báta sem mál heldur aðeins að lista þá niður og birta síðan árlega einungis fjölda atvika. Eins og lesendur okkar hafa séð þá eru s.l. 12 ár verið að meðaltali 45 bátar vélarvana og dregnir í land á hverju ári af ýmsum ástæðum, flestir voru þeir 66 árið 2013. Við munum að sjálfsögðu reyna að fylgjast með ef sérstök atvik koma upp sem vert er skoða og draga lærdóm af. Við hvetjum því útgerðar- og skipstjórnarmenn að tilkynna atvik til okkar sem að þeirra mati eru þess eðlis að rétt sé að rannsaka þau.
Þessi atvik hafa að stórum hluta verið tengd strandveiðiflotanum og vegna þess hefur Samgöngustofa gert aðgengilegan á vef sínum „GÁTLISTI FYRIR STRANDVEIÐAR“ sem við hvetjum sjófarendur til að skoða og tileinka sér. Gátlistinn tekur fyrir búnað bátsins, fjarskipti, neyðar- og björgunarbúnað og önnur atriði sem mikilvægt er að skoða fyrir brottför.
Hvernig tilkynna skal slys eða atvik
Tilkynning um flugslys eða alvarlegt flugatvik
Verði flugslys eða alvarlegt flugatvik samkvæmt lögum um rannsókn samgönguslysa ber sérhverjum sem um það veit að tilkynna það rannsóknarnefnd samgönguslysa án ástæðulauss dráttar eða ganga úr skugga um að nefndin hafi fengið vitneskju um slysið.
Sérstaka skyldu í þessu tilliti hafa:
- Stjórnendur og eigendur eða umráðamenn loftfara.
- Flugmálastjórn Íslands, flugrekendur, lögregla, rekstraraðilar flugvalla og veitendur flugleiðsöguþjónustu.
- Opinberar stofnanir á sviði eftirlits með flugsamgöngum, Sjúkratryggingastofnun og tryggingafélög með starfsstöðvar hér á landi, auk annarra sem hafa fengið vitneskju um flugslys eða alvarlegt flugatvik.
Sama gildir um hvern þann sem finnur loftfar eða aðra hluti við aðstæður er benda til þess að flugslys eða alvarlegt flugatvik hafi orðið.
Bakvaktarnúmer vegna tilkynninga um flugslys, alvarlegt flugatvik eða flugumferðaratvik er:
660-0336
Eyðublað vegna tilkynningar á flugslysi eða alvarlegu flugatviki
Tilkynning um slys á sjó
Verði sjóslys eða sjóatvik samkvæmt lögum um rannsókn samgönguslysa ber sérhverjum sem um það veit að tilkynna það rannsóknarnefnd samgönguslysa án ástæðulauss dráttar eða ganga úr skugga um að nefndin hafi fengið vitneskju um slysið.
Sérstaka skyldu í þessu tilliti hafa:
- Stjórnendur og eigendur eða útgerðarmenn skipa.
- Landhelgisgæsla Íslands, lögregla, rekstraraðilar hafna, tollstjóri og Vaktstöð siglinga.
- Opinberar stofnanir á sviði eftirlits með skipasamgöngum, Sjúkratryggingastofnun og tryggingafélög með starfsstöðvar hér á landi, auk annarra sem hafa fengið vitneskju um slys eða atvik.
Sama gildir um hvern þann sem finnur skip eða aðra hluti við aðstæður er benda til þess að sjóslys eða sjóatvik hafi orðið.
Bakvaktarnúmer vegna tilkynninga um sjóslys eða sjóatvik er:
511-6500
Tilkynning vegna umferðarslysa
Fjarskiptamiðstöð Lögreglu tilkynnir umferðarslysasviði RNSA um slys sem mæta þeim skilyrðum sem sviðið setur.
Ársyfirlit - Heildaryfirlit
Í heildaryfirliti má finna tölulega samantekt á þeim verkefnum sem Rannsóknarnefnd samgönguslysa fékkst við á síðastliðnu ári.
Ítarlegri yfirlit má finna á svæðum hvers sviðs fyrir sig.