Eldri Skýrslur - RNF / Flugslysanefnd

Nýlegar slysa- og atvikaskýrslur:

Alvarlegt flugatvik TF-VEJ á Selfossflugvelli

TF-VEJ (Britten-Norman Islander) frá Flugfélagi Vestmannaeyja lenti á Selfossflugvelli á gamlársdagskvöld 2005. Flugbrautin var upptekin þar sem stillt hafði verið upp skotpöllum fyrir flugeldasýningu. Engin NOTAM voru gefin út um lokun Selfossflugvallar á þessum tíma.

Skýrsla 31.12.2005
Flugsvið

Alvarlegt flugatvik TF-VIK sem hlekktist á í flugtaki á Ísafjarðarflugvelli

RNF hefur gefið út skýrslu um alvarlegt flugatvik er varð er TV-VIK (Helio Courier) hlekktist á í flugtaki á Ísafjarðarflugvelli. Flugvélin hóf flugtaksbrun af flughlaði án vængbarða og stefndi að öryggissvæði til hliðar við flugbraut. Í flugtakinu rakst hægra hæðarstýri flugvélarinnar í jörðina og olli töluverðum skemmdum.

Skýrsla 05.12.2005
Flugsvið

Flugatvik TF-ARD við Palma, Mallorca

Skömmu eftir flugtak flaug flugvélin í haglél sem ekki sást á veðurratsjá hennar. Þrátt fyrir skemmdir á loftnetshlíf, lendingarljósum og rúðu aðstoðarflugmanns var fluginu haldið áfram samkvæmt áætlun (til Gatwick flugvallar í Bretlandi). Rannsóknarnefnd flugslysa í Bretlandi rannsakaði atvikið og hefur gefið út samantekt (Bulletin).

Skýrsla 20.08.2005
Flugsvið

Flugatvik TF-FIE á Standsted flugvelli í Bretlandi

Í flugtaki varð áhöfn vör við reyk í flugstjórnarklefanum. Áhöfnin hafði samband við flugturn og óskaði eftir því að snúa við og lenda. Flugvélinni ver lent eftir um það bil 11 mínútna flug. Rannsóknarnefnd flugslysa í Bretlandi rannsakaði atvikið og hefur gefið út samantekt (Bulletin).

Skýrsla 18.08.2005
Flugsvið

Flugslys TF-IOO við Fljótavík á Hornströndum

Flugmaður á flugvélinni TF-IOO hætti við flugtak á sandi í Fljótavík með þeim afleiðingum að hjólabúnaðurinn gaf sig og vinstri vængur skall í jörðina.

Skýrsla 15.07.2005
Flugsvið

Alvarlegt flugatvik TF-OND (Cessna 152) á Flúðaflugvelli

Flugvélin rann fram af flugbrautarenda eftir lendingu.

Skýrsla 14.07.2005
Flugsvið

Flugatvik TF-FUN á Keflavíkurflugvelli

Flugvél af gerðinni American Champion hlektist á í snertilendingu á Keflavíkurflugvelli með þeim afleiðingum að hún fór út af flugbrautinni og stélkastaðist heilan hring.

Skýrsla 15.06.2005
Flugsvið

Flugatvik TF-ARE á Manchester flugvelli í Bretlandi

Þegar verið var að loka hurð flugvélarinnar fyrir brottför klemmdist handleggur flugfreyju á milli handfangs hurðarinnar og þverþils flugvélarinnar með þeim afleiðingum að úlnliður flugfreyjunnar brotnaði. Rannsóknarnefnd flugslysa í Bretlandi rannsakaði atvikið og hefur gefið út samantekt (Bulletin).

Skýrsla 11.06.2005
Flugsvið

Alvarlegt flugatvik TF-ATJ (Boeing 747-400) á Tenerife flugvelli á Spáni

Skemmdir fundust á hreyfilhlíf fyrir hreyfil númer 4 eftir lendingu á Tenerife flugvelli. Hreyfilhlífin hafði snert jörð í lendingu. 6 tillögum í öryggisátt er beint til flugfélagsins Air Atlanta.

Skýrsla 31.05.2005
Flugsvið

Flugumferðaratvik í Flugstjórnarmiðstöðinni í Reykjavík

Ratstjárupplýsingar til Flugstjórnarmiðstöðvarinnar í Reykjavík rofnuðu tímabundið.

Skýrsla 08.02.2005
Flugsvið