Slysa- og atvikaskýrslur

Leita að skýrslu

Nýlegar slysa- og atvikaskýrslur:

Flugslys N610LC (DHC-2 Beaver) í Barkárdal

Klukkan 14:01 þann 9. ágúst 2015 flaug flugmaður ásamt félaga sínum, ferjuflugmanni, flugvél N610LC, sem er af gerðinni De Havilland DHC-2 Beaver, í sjónflugi frá flugvellinum á Akureyri áleiðis til Keflavíkurflugvallar. Tilgangur flugsins var að ferja flugvélina frá Akureyri til Bandaríkjanna þar sem að selja átti flugvélina. Var flugvélinni flogið út Eyjafjörð frá Akureyri, yfir Þelamörk og inn Öxnadal. Lágskýjað var og ekki reyndist unnt af fljúga yfir Öxnadalsheiði. Var flugvélinni því snúið við innarlega í Öxnadal og flogið út í átt að Staðartunguhálsi þar sem stefnan var svo tekin í átt að botni Hörgárdals. Inni í Hörgárdal reyndist einnig ófært yfir Hörgárdalsheiði vegna lágra skýja. Var flugvélinni því aftur snúið við. Hugðust flugmennirnir þá fljúga í kringum Tröllaskagann samkvæmt varaplani sínu, en þegar þeir komu aftur að Staðartunguhálsi sýndist þeim þeir sjá gat í skýjunum innst inni í Barkárdal. Var því sú skyndiákvörðun tekin af báðum flugmönnunum að fljúga inn Barkárdal. 

Barkárdalur er langur og þröngur dalur með 3000-4500 feta háum fjöllum beggja vegna. Innst inni í Barkárdal er fjallaskarð sem liggur lægst í um 3900 feta hæð. Um þremur korterum eftir flugtak brotlenti flugvélin innarlega í Barkárdal í um 2260 feta hæð.

Við rannsóknina kom í ljós að flugvélin var ofhlaðin og var afkastageta hennar talsvert skert af þeim sökum. Rannsóknin leiddi í ljós að ekki voru sjónflugsskilyrði á flugleiðinni yfir Tröllaskaga. RNSA telur að mannlegir þættir hafi átt stóran þátt í flugslysinu og þá er einnig talið að blöndungsísing hafi haft áhrif í flugslysinu.

Skýrslan er skrifuð á ensku þar sem málsaðilar eru bæði íslenskir og erlendir, en slíkt er heimilt samkvæmt 32. grein laga [18/2013] um rannsókn samgönguslysa.

Skýrsla
Tillaga í öryggisátt:
Amendment to Icelandic regulation 70/2011 09.08.2015
Flugsvið

Flugslys TF-REX (Jodel D117A) vestur af Tungubökkum í Mosfellsbæ

Einkaflugmaður hugðist fara í einkaflug frá flugvellinum í Mosfellsbæ um Suðurland, frá flugvellinum á Tungubökkum. Eftir flugtak ákvað flugmaðurinn að gera nokkrar snertilendingar á flugvellinum að Tungubökkum. Hann tók á loft til vesturs og í stað þess að fara hefðbundinn umferðarhring ákvað hann að snúa við og lenda á móti flugtaksstefnu, þ.e. til austurs. Í beygjunni setti flugmaðurinn lofthemil (airbrake) á til þess að lækka flug þar sem hann taldi sig vera of hátt miðað við fjarlægð frá flugvellinum með þeim afleiðingum að flugvélin spann til jarðar og skall í sjónum.

 

Skýrsla 11.05.2015
Flugsvið

Flugslys TF-150 (Sky Ranger) við Löngufjörur á Snæfellsnesi

Þann 7. júní 2014 hugðist fisflugmaður flytja vistir til hestamanna á Löngufjörum á Snæfellsnesi. Flugmaðurinn þekkir til aðstæðna á Löngufjörum og hafði lent þar oft áður. Þegar fisinu var flogið inn á lokastefnu fyrir lendingu í fjöru missti það hæð og brotlenti í fjöruborðinu.

Skýrsla 07.06.2014
Flugsvið

Flugslys TF-FTM (Cessna 172) við Sandskeið

Þann 17. júlí 2015 hugðist flugnemi  í einflugi á flugvélinni TF-FTM (Cessna 172) snertilenda á flugvellinum við Sandskeið. Hlekktist flugvélinni á í snertilendingunni með þeim afleiðingum að hún hafnaði á hvolfi. Við rannsóknina kom í ljós að hliðarvindur var yfir sýndum hámarkshliðarvindi sem og að flugneminn beitti stýrum ekki rétt miðað við vindátt eftir að flugvélin snerti flugbrautina í lendingunni. Telur RNSA að vanmat á hliðarvindstyrk og vindátt séu orsök flugslyssins, auk reynsluleysis flugnemans og rangrar beitingar stýra miðað við vindátt. 

Skýrsla 17.07.2015
Flugsvið

Alvarlegt flugatvik TF-FGC (Diamond DA-20) nauðlenti á Sandskeiði eftir að hreyfill missti afl

Flugkennari var með flugnema í kynnisflugi í Austursvæði ofan Reykjavíkur. Í klifri í um 2200 feta hæð varð flugkennarinn var við óeðlilegt hljóð frá hreyfli flugvélarinnar. Var þá flugvélin stödd í grennd við Litlu kaffistofuna og stefndi flugkennarinn þá flugvélinni í átt að flugvellinum við Sandskeið. Skammt frá Sandskeiði stöðvaðist hreyfill flugvélarinnar og lýsti flugkennarinn þá yfir neyðarástandi og nauðlenti flugvélinni á flugvellinum við Sandskeið. Leiddi rannsókn RNSA í ljós að málmagnir var að finna í mælistykki í eldsneytiskerfi flugvélarinnar, en hreyfill hennar hafði verið grannskoðaður skömmu áður.

Skýrsla 13.09.2014
Flugsvið

Accident involving TF-142 (Xair-F) in Mosfellsdalur

Klukkan 18:15 þann 28. ágúst 2014 tók fisflugmaður á loft á fisi TF-142 ásamt einum farþega frá fisflugvellinum við Úlfarsfell. Fisið hafði verið á flugi í tæpt korter með fisflugmann og farþega eftir flugtak frá fisflugvellinum við Úlfársfell þegar vart verður við gangtruflanir. Flugmaðurinn sér heppilegan lendingarstað á malarvegi sem liggur þvert á veg 35 í Mosfellsdal, skammt frá Helgafelli og stefndi þangað. Í lendingunni rakst vinstri vængur fissins í ljósastaur og nérist fisið í hálfhring og hafnaði á vegi 35. Skýrslan er skrifuð á ensku þar sem að sá aðili sem tillögu í öryggisátt er beint til er ekki íslenskur.

At 18:15 on August 28th 2014 an ultralight pilot took off from the ultralight air strip at Úlfarsfell along with one passenger on ultralight registered as TF-142. After less than 15 minutes of flying the ultralight‘s engine lost power. The pilot looked for a possible landing site and noticed a gravel road extending out from Road 35 in Mosfellsdalur. As the ultralight was about to glide across Road 35 on its way to the emergency landing site, its left wing hit a light pole. The ultralight turned 180° and came to rest in the middle of Road 35.

Skýrsla
Tillaga í öryggisátt:
Updating of operator's manual 28.08.2014
Flugsvið

Flugslys TF-KFB (Diamond DA-20) á golfvellinum á Vatnsleysuströnd

Flugnemi ásamt flugkennara fór í kennsluflug frá Keflavíkurflugvelli á flugvélinni TF-KFB, sem er af gerðinni Diamond DA-20. Flogið var um Selfoss og snertilendingar framkvæmdar á flugvellinum við Sandskeið. Á leiðinni tilbaka, yfir Kúagerði á Reykjanesi varð vart við gangtruflanir hreyfils flugvélarinnar og stöðvaðist hann í kjölfarið. Flugkennarinn tók við stjórn flugvélarinnar og nauðlenti henni á golfvellinum á Vatnsleysuströnd, þar sem hún hafnaði á hvolfi utan golfbrautar.

Skýrsla
Tillaga í öryggisátt:
Tvíþátta mæling eldsneytis við fyrirflugsskoðun 29.06.2014
Flugsvið

Flugslys TF-HDW (Eurocopter AS350B2) á Eyjafjallajökli

Flugmaður ásamt þremur farþegum í verkflugi vegna kvikmyndatöku tók á loft úr Fljótshlíð á Suðurlandi og var ferðinni heitið suður fyrir Eyjafjallajökul, yfir Fimmvörðuháls og að tökustað á Morinsheiði ofan við Goðaland. Þegar komið var austur fyrir hæsta hluta jökulsins og stefnt var í norðaustur í átt að Fimmvörðuhálsi bað einn farþeginn, sá er annaðist kvikmyndatökubúnaðinn, um að lent yrði svo hann gæti skipt um ljóssíu á kvikmyndavélinni þar sem birtuskilyrði höfðu breyst.

Flugmaðurinn sá svæði á jöklinum þar sem hann taldi sig geta lent. Þegar þyrlan nálgaðist lendingarstaðinn varð, að sögn flugmannsins, skyndilega eins og skýjahulu brygði að og allt varð mjallahvítt. Við þetta missti flugmaðurinn viðmið á jöklinum bæði framundan og til hliðar og áttaði sig skyndilega ekki á hæð þyrlunnar og staðsetningu yfir jöklinum. Flugmaðurinn ákvað því að hækka flugið, en um leið kom gríðarlegt högg þegar þyrlan skall á jöklinum.

Skýrsla
Tillaga í öryggisátt:
Verklag við lendingar á jöklum og í snjó 01.05.2014
Flugsvið

Flugslys TF-200 (Kitfox 4-1200) í Úlfarsárdal ofan Reykjavíkur

Þann 4. júní 2016 var fisfisflugmaður ásamt farþega voru á flugi á fisi TF-200 (Kitfox 4) í Úlfarsárdal þegar hreyfillinn missti afl og stöðvaðist. Í kjölfarið hugðist fisflugmaðurinn nauðlenda fisinu á túni við bóndabæ í dalnum. Í lendingunni flæktist girðingarvír í hægra aðalhjóli fissins og hafnaði það í kjölfarið á hvolfi.

Skýrsla
Tillaga í öryggisátt:
Auknar kröfur við samsetningu og viðhaldi fisa 04.06.2016
Flugsvið

Flugslys TF-MYX (Beech King Air B200) við Akstrursíþróttabraut við Hlíðarfjallsveg á Akureyri

Rannsóknarnefnd samgönguslysa hefur gefið út lokaskýrslu vegna flugslyss TF-MYX við Hlíðarfjallsveg á Akureyri þann 5. ágúst 2013. Flugvélin var af gerðinni Beech King Air B200 og var notuð til sjúkraflugs. Flugvélin var á leið frá Reykjavík til Akureyrar eftir sjúkraflug frá Hornafirði til Reykjavíkur. Um borð voru flugstjóri, flugmaður og sjúkraflutningamaður. Flugstjórinn og sjúkraflutningamaðurinn létust og flugmaðurinn slasaðist töluvert.

Skýrsla
Tillaga í öryggisátt:
Re-evaluation of CRM training
Paramedic as a crew member 05.08.2013
Flugsvið