Leita að skýrslu
Nýlegar slysa- og atvikaskýrslur:
Snæfellsnesvegur norðan Hítarár
Fiat Weinsberg fólksbifreið var ekið suðaustur Snæfellsnesveg skammt norðan við Hítará. Á sama tíma var Nissan X-Trail fólksbifreið ekið úr gagnstæðri átt norðvestur Snæfellsnesveg. Nissan bifreiðinni var ekið yfir á rangan vegarhelming og framan á Fiat bifreiðina í hörðum árekstri. Farþegi í aftursæti Fiat bifreiðarinnar lést í slysinu.
SkýrslaTillaga í öryggisátt:
23-047U009-T01 Forvarnir um svefn og þreytu hjá ökumönnum 17.07.2023
Þrengslavegur
Bifreið, sem ekið var í norðausturátt á Þrengslavegi, fór út fyrir veg hægra megin í mjúkri vinstri beygju og var ekið í vegfláa nokkra stund áður en hún endastakkst nokkrum sinnum. Ökumaður var einn í bifreiðinni og lést hann í slysinu.
SkýrslaTillaga í öryggisátt:
23-046U008 T08. Notkun riffla á vegum 13.07.2023
Nausthamarsbryggja Vestmannaeyjum
Peugeot fólksbifreið ekið inn á Nausthamarsbryggju í Vestmannaeyjum og stöðvuð þar við bryggjukantinn. Þar var bifreiðin kyrrstæð í tæpar 50 sekúndur. Þá var henni ekið af stað, yfir bryggjukantinn og hafnaði hún í sjónum. Ökumaðurinn var einn í bifreiðinni og lést hann í slysinu.
SkýrslaTillaga í öryggisátt:
Reglur um mat á andlegu og líkamlegu hæfi
Stuðningur við innleiðingu nýs vottorðseyðublaðs 11.04.2023
Olís við Álfheima
Sprenging varð í þrýstigeymi tvíorkubifreiðar þegar ökumaður hennar var að fylla á hann metaneldsneyti. Sprengingin var öflug. Kastaðist ökumaðurinn frá bifreiðinni, tvö önnur ökutæki skemmdust einnig og tveir aðilar hlutu áverka.
SkýrslaTillaga í öryggisátt:
Eftirlit með þrýstigeymum 13.02.2023
Höfðabakki í Reykjavík
Gangandi vegfarandi þveraði Höfðabakka rétt sunnan við biðstöð strætisvagna á móts við Árbæjarsafn þegar bifreið, sem ók til suðurs, var ekið á hann. Ökumaður bifreiðarinnar ók af vettvangi án þess að tilkynna um atvikið. Stuttu síðar var fólksbifreið ekið Höfðabakka til norðurs og á vegfarandann þar sem hann lá á götunni. Vegfarandinn sem ekið var á lést á Landspítala seinna um nóttina af völdum fjöláverka.
Skýrsla 10.12.2022Barónsstígur Grettisgata
Rafhlaupahjóli var ekið austur Grettisgötu að Barónsstíg. Einstefna er vestur Grettisgötu. Á sama tíma var Mercedes Benz hópbifreið ekið norður Barónsstíg. Ökumaður rafhlaupahjólsins varð fyrir hópbifreiðinni og lést samstundis.
Skýrsla 19.11.2022Strandgata Akureyri
Gangandi vegfarandi gekk eftir Hofsbót og inn á mið gatnamót Strandgötu og Hofsbótar. Á sama tíma var fólksbifreið ekið Strandgötu í vinstri beygju inn á Hofsbót. Vegfarandinn varð fyrir bifreiðinni á miðjum gatnamótunum. Hann lést daginn eftir á Sjúkrahúsinu á Akureyri.
SkýrslaTillaga í öryggisátt:
Bæta merkingar og aðgengi gangandi vegfarenda
Öryggisáætlun við framkvæmdir 09.08.2022
Akrafjallsvegur
Bílvelta varð á Akrafjallsvegi skammt vestan við Innnesveg. Bifreið sem var ekið hratt í vesturátt rann til vinstri, í hægri beygju við framúrakstur, út fyrir veg og endastakkst nokkrum sinnum. Ökumaður var einn í bifreiðinni og lést hann í slysinu.
Skýrsla 22.07.2022Meðallandsvegur
Bílvelta varð á Meðallandsvegi skammt sunnan Kirkjubæjarklausturs. Bifreið, sem ekið var hratt í norðausturátt, rann til vinstri í hægri beygju, út fyrir veg og endastakkst nokkrum sinnum. Farþegi í miðju aftursæti lést í slysinu.
Skýrsla 08.07.2022Innri-Gleðivík Djúpavogi
Þann 21. júní 2022 var gangandi vegfarandi staddur á Víkurlandi á Djúpavogi. Meðfram 180 metra kafla af veginum er listaverk sem telur 34 stækkaðar eftirlíkingar af fuglaeggjum. Vegfarandinn var við eitt af eggjunum. Á sama tíma var vinnuvél ekið suður Víkurland frá hafnarbakka í Innri-Gleðivík áleiðis að fiskmarkaði Djúpavogs, um 1 km leið. Fiskfarmur í fjórum fiskikörum var á lyftaragöfflum vinnuvélarinnar. Vinnuvélinni var ekið á vegfarandann sem lést af völdum áverka sem af slysinu hlutust.
SkýrslaTillaga í öryggisátt:
Bætt öryggi vegfarenda við listaverk á hafnarsvæði
Breytingar á skipulagi sveitarfélagsins
Umferðaröryggisáætlun sveitarfélaga 21.06.2022