Slysa- og atvikaskýrslur Síða 5

Reykjanesbraut Tjarnarvellir

Ökumaður fólksbifreiðar ók yfir á rangan vegarhelming á Reykjanesbraut við Tjarnarvelli í veg fyrir fólksbifreið sem ekið var úr gagnstæðri átt. Sennilega  sofnaði ökumaðurinn við aksturinn. Farþegi í sömu bifreið, var ekki spenntur í öryggisbelti og lést af áverkum sem af slysinu hlutust.

Þingvallavegur við Æsustaði 21.7.2018

Ökumaður Mitsubishi bifreiðar ók fram úr nokkrum bifreiðum á Þingvallavegi á akrein fyrir umferð úr gagnstæðri átt og ók hann aftan á Suzuki bifreið. Ökumaður Suzuki bifreiðarinnar var að taka vinstri beygju út af veginum. Farþegi í Suzuki bifreiðinni lést í slysinu.

Djúpvegur Hestfirði

Ökumaður sendibifreiðar missti stjórn á bifreiðinni með þeim afleiðingum að hún fór út fyrir veg og lenti á stóru grjóti sem hafði fallið úr hlíð fyrir ofan veginn ofan í vatnsrás við veginn. Ökumaðurinn lést í slysinu.

Ólafsfjarðarvegur við Freyjulund

Ökumaður hópbifreiðar missti stjórn á bifreiðinni með þeim afleiðingum að bifreiðin fór út af veginum á nokkurri ferð. Þegar bifreiðin var hálf inni á veginum hægra megin og hálf utan hans rann hún yfir heimreið, sem liggur þvert á veginn, og þaðan yfir árfarveg þar sem hún hafnaði á árbakkanum hinum megin árinnar. Ökumaðurinn lést á spítala tæpum mánuði eftir slysið af völdum áverka sem hann hlaut í slysinu.

Vesturlandsvegur við Enni

Fólksbifreið var ekið yfir á rangan vegarhelming í framúrakstri beint framan á bifreið sem ekið var úr gagnstæðri átt. Ökumaður fólksbifreiðarinnar sem ók yfir á rangan vegarhelming lést í slysinu. Í hinni bifreiðinni voru átta farþegar auk ökumanns, þar af sjö á barnsaldri. Allir hlutu einhver meiðsli og fjögur þeirra hlutu mikil meiðsli.

Suðurlandsvegur vestan Markarfljóts

Mercedes Benz bifreið var ekið vestur Suðurlandsveg skammt vestan við Markarfljót þegar Kia
bifreið sem ekið var austur Suðurlandsveg var ekið yfir á rangan vegarhelming og framan á
Mercedes Benz bifreiðina. Ökumaður Mercedes Benz bifreiðarinnar lést í slysinu en ökumaður og
farþegar Kia bifreiðarinnar hlutu ekki lífshættulega áverka.

Suðurlandsvegur við Höfðabrekku

Toyota Yaris bifreið ekið vestur Suðurlandsveg að Höfðabrekku.
Þegar bifreiðinni var ekið yfir blindhæð á þjóðveginum skammt austan við Höfðabrekku varð stefnubreyting á bifreiðinni þannig að hún fór út fyrir veginn hægra megin miðað við akstursstefnu.

Bifreiðin snérist í vegkantinum og valt nokkrum sinnum.
Að sögn björgunaraðila, sem kallaðir voru til vegna slyssins, var mjög hvasst þegar þeir komu á vettvang.

Farþegar í bifreiðinni hlutu minniháttar meiðsl í slysinu en ökumaður bifreiðarinnar lést
af völdum áverka sem hann hlaut.

Lyngdalsheiðarvegur

Nissan bifreið á leið vestur Lyngdalsheiðarveg var ekið yfir á rangan vegarhelming í veg fyrir vörubifreið sem ekið var úr gagnstæðri átt. Ökumaður og farþegi í Nissan bifreiðinni létust í slysinu.

Sennilegt er að ökumaður Nissan bifreiðarinnar hafi sofnað eða misst athygli frá akstrinum af óþekktum ástæðum.

Suðurlandsvegur við Bitru

Ökumaður Subaru bifreiðar missti stjórn á bifreið sinni með þeim afleiðingum að
bifreið hans fór yfir á öfugan vegarhelming í veg fyrir Ford bifreið sem ekið var úr
gagnstæðri átt. Bifreiðarnar lentu saman í hörðum árekstri og lést ökumaður Subaru
bifreiðarinnar vegna fjöláverka.

Vesturlandsvegur við Hvamm

Ökumaður fólksbifreiðar ók yfir á rangan vegarhelming í veg fyrir vörubifreið sem kom úr gagnstæðri átt. Ökumaður fólksbifreiðarinnar lést í slysinu.