Slysa- og atvikaskýrslur Síða 7

Alvarlegt flugatvik TF-FIH (Boeing 757-200PCF) á Keflavíkurflugvelli

RNSA hefur gefið út lokaskýrslu vegna alvarlegs flugatviks TF-FIH (B757-200PCF) á Keflavíkurflugvelli þann 30. janúar 2011.

Verið var að fara tæma fragt úr flugvélinni í miklum vindi þegar festingar aðalfragthurðarinnar, sem var opin, gáfu sig með þeim afleiðingum að fragthurðin skall niður. Rannsóknin leiddi í ljós að hönnun festinga fragthurðarinnar voru ófullnægjandi fyrir vindstyrkinn sem var er atvikið varð.

Rannsóknarnefnd samgönguslysa leggur til þrjár tillögur í öryggisátt í skýrslunni og er þeim beint til Precision Conversions (hönnuðar fragtbreytingar flugvélarinnar), Evrópsku Flugöryggisstofnunarinnar (EASA) og Bandarísku flugmálastjórnarinnar (FAA).

Flugslys TF-KEX (Cessna 177) í hlíðum Langholtfjalls í Árnessýslu

Flugslysið átti sér stað þegar einkaflugvél með fjóra um borð brotlenti eftir að hafa verið flogið yfir sumarbústaðarlandi í hlíðum Langholtfjalls í Árnessýslu.

Alvarlegt flugumferðaratviks TF-BEZ (Beech 77) og TF-JMR (F-50) við Akureyrarflugvöll

Þann 30. ágúst 2009 var einkaflugmaður á flugvélinni TF-BEZ sjónflugi á leið frá Reykjavík til Akureyrar. Er flugmaðurinn nálgaðist Akureyri var hann ofar skýjum og orðin óviss um staðsetningu sína. Flugmaðurinn fékk aðstoð frá flugumferðarstjórn en fann svo gat í skýjum þar sem hann dýfði flugvélinni niður. Við það varð aðskilnaðarmissir við TF-JMR sem var í áætlunarflugi á leið til Akureyrar.